Kreu i Drenasit, Ramiz Lladrovci, thotë se sot u bë një vit që u ndanë padrejtësisht nga familjet, nga ne, nga shteti dhe kombi, kontribuesit e jashtëzakonshëm për Republikën e Kosovës, lirinë dhe demokracinë e saj, Hashimi dhe Kadriu.

“Rruga e çlirimit nuk ishte e lehtë, por ishte e vetmja rrugë e popullit tonë, pas gati një shekulli robëri. Ajo rrugë, për jetë a vdekje u ndoq nga bijat e bijtë më të mirë të kombit, duke marrë përkrahjen e plotë të kombit tonë dhe botës demokratike. Jam me fat që i takoj asaj gjenerate që dha kontribut, me liderët si Hashimi, Kadriu dhe të tjerët, duke ia kthyer popullit tonë krenarinë, me përkushtimin e pashoq për shtetformim dhe shtetndërtim”, ka shkruar Lladrovci në Facebook.

Ai shton se “në këtë ditë të dhimbjes tonë njëvjeçare, kemi besim të plotë se ashtu siç i fituan të gjitha betejat në luftën tonë të drejtë, sërish do të kthehen fitimtar, Hashim, Kadri, Jakup, Rexhë…ju presim gjithmonë fitimtar!”/arbresh.info/